സെപ്റ്റംബര്‍ 15-20 വരെ പരിമിതകാല സെയില്‍

തിരുവനന്തപുരം:ബജറ്റ് എയര്‍ലൈന്‍സായ സ്‌കൂട്ട് എവരിവേര്‍ സെയില്‍ ആരംഭിച്ചു. സെപ്തംബര്‍ 15-ന് ആരംഭിച്ച സെയില്‍ 20 വരെ നീളും. ഇന്ത്യ – ഏഷ്യ-പസഫിക്കിലും പുറത്തുമായി വിപുലമായ നെറ്റ്വര്‍ക്കുള്ള സ്‌കൂട്ട് എവരിവേര്‍ സെയിലില്‍ ആകര്‍ഷകമായ നിരക്കുകള്‍ വാഗ്ദാനം ചെയ്യുന്നു. ഇന്ത്യയില്‍ നിന്ന് സിംഗപ്പൂരിലേക്കുള്ള വണ്‍വേ ഇക്കണോമി ക്ലാസ് നിരക്കുകള്‍ വെറും 9,500 രൂപ മുതല്‍ ഉപഭോക്താക്കള്‍ക്ക് ബുക്ക് ചെയ്യാം.

ബെലിറ്റംഗ് (ഇന്തോനേഷ്യ), ബാങ്കോക്ക് (തായ്‌ലന്‍ഡ്), ചിയാങ് റായ് (തായ്ലന്‍ഡ്), ക്വാലാലംപൂര്‍ (മലേഷ്യ), സിഡ്‌നി (ഓസ്‌ട്രേലിയ), ടോക്കിയോ (ഹനെഡ) തുടങ്ങിയ ഡെസ്റ്റിനേഷനുകളിലേക്ക് ഒക്ടോബര്‍ 12 നും 2027 ഓഗസ്റ്റ് 31 നും ഇടയില്‍ യാത്ര ചെയ്യാനുള്ള ബുക്കിംഗിനായി പ്രമോഷണല്‍ നിരക്കുകള്‍ ലഭ്യമാണെന്ന് കമ്പനി അറിയിച്ചു.

അമൃത്സര്‍ മുതല്‍ കോ സമൂയി വരെ 15,000 രൂപയിലും തിരുവനന്തപുരം മുതല്‍ ചിയാങ് റായ് വരെ 15,000 രൂപയിലും വിശാഖപട്ടണം മുതല്‍ ടോക്കിയോ വരെ (ഹനേഡ) 23,000 രൂപയിലും ടിക്കറ്റ് നിരക്കുകള്‍ ആരംഭിക്കുന്നു.

മുന്‍ഗണനാ ചെക്ക്-ഇന്‍, ബോര്‍ഡിംഗ്, വിശാലമായ ലെതര്‍ സീറ്റുകളും ആവശ്യത്തിന് ലെഗ്റൂമും, 15 കിലോഗ്രാം ക്യാബിന്‍ ബാഗേജ്, 30 കിലോഗ്രാം ചെക്ക്ഡ് ബാഗേജ് അലവന്‍സ്, കോംപ്ലിമെന്ററി ഇന്‍-ഫ്‌ലൈറ്റ് ഭക്ഷണം, 200MB ഓണ്‍ബോര്‍ഡ് വൈ-ഫൈ എന്നിവ സ്‌കൂട്ട്പ്ലസില്‍ ഉള്‍പ്പെടുന്നുണ്ട്.

കൂടുതല്‍ വിവരങ്ങള്‍ സ്‌കൂട്ടിന്റെ വെബ്‌സൈറ്റ്, സ്‌കൂട്ട് മൊബൈല്‍ ആപ്പ് എന്നിവയില്‍ ലഭിക്കും.