രാജ്യത്തെ എക്‌സ്‌ക്ലൂസീവ് ബോഷ് ബ്രാന്‍ഡ് സ്റ്റോറുകളുടെ എണ്ണം 104ല്‍ നിന്ന് 134 ആയി ഉയര്‍ന്നു

തിരുവനന്തപുരം: പ്രീമിയം ഗൃഹോപകരണ മേഖലയിലെ ആഗോള പ്രമുഖരായ ബിഎസ്എച്ച് ഹോം അപ്ലയന്‍സസ് പ്രൈവറ്റ് ലിമിറ്റഡ്, ഇന്ത്യയില്‍ ഒരേ ദിവസം 30 പുതിയ ബോഷ് ബ്രാന്‍ഡ് സ്റ്റോറുകള്‍ക്ക് തുടക്കമിട്ടു. ഇതോടെ രാജ്യത്തെ എക്‌സ്‌ക്ലൂസീവ് ബോഷ് ബ്രാന്‍ഡ് സ്റ്റോറുകളുടെ എണ്ണം 104ല്‍ നിന്ന് 134 ആയി ഉയര്‍ന്നു.

ഇന്ത്യയിലെ അതിവേഗം വളരുന്ന 21 നഗരങ്ങളിലായാണ് പുതിയ സ്റ്റോറുകള്‍ ആരംഭിച്ചത്. തിരുവനന്തപുരം,ബെംഗളൂരു, ഡല്‍ഹി, മുംബൈ, ചെന്നൈ, ഹൈദരാബാദ്, കൊല്‍ക്കത്ത, അഹമ്മദാബാദ്, ചണ്ഡീഗഢ്, കോയമ്പത്തൂര്‍, മധുര, വാരണാസി തുടങ്ങിയ പ്രധാന നഗരങ്ങള്‍ക്ക് പുറമെ, ദിന്‍ഡിഗല്‍, കരിംനഗര്‍, ജംഷഡ്പൂര്‍, കര്‍ണൂല്‍, തൃശൂര്‍, തിരുപ്പൂര്‍, ഡെറാഡൂണ്‍ തുടങ്ങിയ അതിവേഗം വളരുന്ന പ്രാദേശിക വിപണികളിലും പുതിയ ബോഷ് ബ്രാന്‍ഡ് സ്റ്റോറുകള്‍ ആരംഭിച്ചു.

ജനുവരി മുതല്‍ ജൂലൈ വരെയുള്ള കാലയളവില്‍ ബോഷ് ബ്രാന്‍ഡ് സ്റ്റോറുകള്‍ 60 ശതമാനം വാര്‍ഷിക വില്‍പ്പന വളര്‍ച്ച രേഖപ്പെടുത്തിയിരുന്നു. ഈ ശക്തമായ വളര്‍ച്ചയുടെ പശ്ചാത്തലത്തിലാണ് രാജ്യവ്യാപകമായി റീട്ടെയില്‍ ശൃംഖല കൂടുതല്‍ വിപുലീകരിക്കുന്നത്.

വിപുലമായ ഉല്‍പ്പന്ന ശ്രേണി വലിയ ഗൃഹോപകരണങ്ങള്‍, പ്രീമിയം ബില്‍റ്റ്-ഇന്‍ സൊല്യൂഷനുകള്‍, ചെറിയ ഗൃഹോപകരണങ്ങള്‍ തുടങ്ങി വിപുലമായ ഉല്‍പ്പന്ന ശ്രേണിയാണ് ബോഷ് ഇന്ത്യയില്‍ അവതരിപ്പിക്കുന്നത്. നാല്-ഡോര്‍ റഫ്രിജറേറ്ററുകള്‍, 9 മുതല്‍ 12 കിലോഗ്രാം വരെ ശേഷിയുള്ള വാഷിംഗ് മെഷീനുകള്‍, മുന്‍നിര ഡിഷ്വാഷറുകള്‍ എന്നിവയ്‌ക്കൊപ്പം സ്റ്റീം ഓവനുകള്‍, കോഫി മെഷീനുകള്‍, എയര്‍ ഫ്രയറുകള്‍, ഭക്ഷണം തയ്യാറാക്കുന്നതിനുള്ള വിവിധ ഉപകരണങ്ങള്‍ എന്നിവയും ബോഷിന്റെ ഉല്‍പ്പന്ന നിരയില്‍ ഉള്‍പ്പെടുന്നു.