കേരളത്തിൽ ആദ്യമായി ഓണം മെനുവുമായി ‘ടാറ്റാ സ്റ്റാർബക്സ്’
ഓഗസ്റ്റ് 26 വരെ തിരുവനന്തപുരം, കൊച്ചി, തൃശൂർ, കോഴിക്കോട് എന്നിവിടങ്ങളിലെ തിരഞ്ഞെടുത്ത ഒമ്പത് സ്റ്റോറുകളിൽ മെനു ലഭിക്കും
തിരുവനന്തപുരം: കേരളീയ രുചികൾക്ക് പുതുമുഖം നൽകി ടാറ്റ സ്റ്റാർബക്സ് സംസ്ഥാനത്ത് ആദ്യമായി പ്രത്യേക ഓണം മെനു അവതരിപ്പിച്ചു. ഓഗസ്റ്റ് 26 വരെ കൊച്ചി, തിരുവനന്തപുരം, തൃശൂർ, കോഴിക്കോട് എന്നിവിടങ്ങളിലെ തിരഞ്ഞെടുത്ത ഒമ്പത് സ്റ്റോറുകളിൽ മെനു ലഭിക്കും.
അവിയൽ ഇഞ്ചിപ്പുളി റാപ്പ്, പൊരിച്ച കോഴി റാപ്പ്, നാടൻ കോഴി പഫ് എന്നിവയ്ക്കൊപ്പം നേന്ത്രപ്പഴം ശർക്കര തേങ്ങാ സ്ട്രൂഡൽ, നേന്ത്രപ്പഴം ശർക്കര ലോഫ് കേക്ക്, ചക്ക സ്വിസ് റോൾ തുടങ്ങിയ മധുരവിഭവങ്ങളും മെനുവിലുണ്ട്. ചക്ക ഫ്ലാറ്റ് വൈറ്റ്, ചക്ക കോൾഡ് ബ്രൂ എന്നിവയാണ് പ്രത്യേക പാനീയങ്ങൾ. നേന്ത്രപ്പഴം, ചക്ക, അവിയൽ, ഇഞ്ചിപ്പുളി, ശർക്കര തുടങ്ങിയ കേരളീയ ചേരുവകളാണ് പ്രധാനമായും ഉപയോഗിച്ചിരിക്കുന്നത്.
