‘സമൂഹത്തിന്‍റെ ചിന്തകളിൽ മാറ്റം വന്നെങ്കിലും സംവിധാനങ്ങളിൽ ആവശ്യമായ മാറ്റങ്ങൾ ഉണ്ടാകേണ്ടതുണ്ട്’

തിരുവനന്തപുരം:ഏത് ബന്ധത്തിലായാലും സ്ത്രീകൾ ഒരു തരത്തിലുള്ള അതിക്രമവും സഹിക്കേണ്ടതില്ലെന്നും സ്ത്രീകളുടെ അന്തസ്സിനെ ചോദ്യം ചെയ്യുന്ന പ്രവണതകൾ വീടിനകത്തായാലും പുറത്തായാലും ചോദ്യം ചെയ്യണമെന്നും പൊലീസ് ഐജി അജിത ബീഗം.
ഗുരു ഗോപിനാഥ് നടനഗ്രാമത്തിൽ നടന്ന ‘സ്പീക്ക് അപ്പ്’ ക്യാംപസ് സംവാദം ഉദ്ഘാടനം ചെയ്യുകയായിരുന്നു അവർ.
സമൂഹത്തിന്‍റെ ചിന്തകളിൽ മാറ്റം വന്നെങ്കിലും സംവിധാനങ്ങളിൽ ആവശ്യമായ മാറ്റങ്ങൾ ഉണ്ടാകേണ്ടതുണ്ട്.
അതിക്രമങ്ങൾക്കെതിരെ ‘നോ’, ‘സ്റ്റോപ്പ്’ എന്നിവ പറയേണ്ടിടത്ത് അത് പറയാനും പരാതിപ്പെടേണ്ട സാഹചര്യങ്ങളിൽ അതിന് തയ്യാറാകാനും സ്ത്രീകൾ മുന്നോട്ടുവരണം. തലമുറകൾ മാറിയെങ്കിലും സ്ത്രീകളോടുള്ള സമൂഹത്തിന്‍റെ ചിന്താഗതിയിൽ കാര്യമായ മാറ്റമുണ്ടായിട്ടില്ല.
വസ്ത്രധാരണത്തിൽ പോലും ലിംഗവിവേചനം നിലനിൽക്കരുത്. വനിതാ പൊലീസ് ഉദ്യോഗസ്ഥർക്ക് വീട്ടിലെ മുഴുവൻ ജോലികളും ഏറ്റെടുക്കേണ്ടിവരുന്നതായി സർവേയിൽ കണ്ടെത്തിയിട്ടുണ്ടെന്നും അജിത ബീഗം പറഞ്ഞു.
ചട്ടക്കൂടിൽ ഇട്ടു ആരേം പൂട്ടാൻ പറ്റില്ല. പരസ്പര ബഹുമാനം വേണം. വളരാൻ അനുവദിക്കണം. സാമ്പത്തിക സ്വാതന്ത്ര്യം നേടിയെടുക്കേണ്ടത് ഉണ്ട്. സ്ത്രീകൾ ജോലി ചെയ്താൽ മാത്രം പോര. സാമ്പത്തിക തീരുമാനം പങ്കാളികൾക്ക് രണ്ട് പേർക്കും എടുക്കാൻ കഴിയണം
ഒന്നിച്ചു ഒരു തലമുറയായി ആൺ പെൺ വ്യത്യാസമില്ലാതെ മാറ്റം കൊണ്ടു വരണമെന്നും സ്ത്രീസുരക്ഷ, ലിംഗസമത്വം, സാമൂഹിക ചിന്താഗതികളിലെ മാറ്റം തുടങ്ങിയ വിഷയങ്ങൾ മുൻനിർത്തി മാർ തെയോഫിലസ് ട്രെയിനിങ് കോളേജ് വിദ്യാർത്ഥികളുമായി ആശയസംവാദത്തിൽ ഉയർന്നുവന്നു. സ്ത്രീകൾ നേരിടുന്ന അതിക്രമങ്ങൾക്കെതിരെ ശബ്ദമുയർത്തേണ്ടതിന്റെ ആവശ്യകതയും സ്വന്തം അന്തസ്സും അവകാശങ്ങളും സംരക്ഷിക്കാൻ മുന്നോട്ടുവരേണ്ടതിന്റെ പ്രാധാന്യവും സംവാദത്തിൽ ചർച്ചയായി.
മാർ തെയോഫിലസ് ട്രെയിനിങ് കോളേജ് പ്രിൻസിപ്പൽ ഡോ. ജോജു ജോൺ, സെക്രട്ടറി ശബ്ന ശ്രീദേവി ശശിധരൻ തുടങ്ങിയവരും പങ്കെടുത്തു.