മുണ്ടുകൾ ഉപയോഗിച്ച് ഒരുക്കിയ ഏറ്റവും വലിയ കളം

കൊച്ചി: 3,000 മുണ്ടുകൾ ഉപയോഗിച്ച് ഏഷ്യയിലെ ഏറ്റവും വലിയ ‘മുണ്ടുകളം’ ഒരുക്കി രാംരാജ് കോട്ടൺ ഓണാഘോഷങ്ങൾക്ക് ചരിത്രപരമായ നേട്ടം സ്വന്തമാക്കി. മുണ്ടുകൾ ഉപയോഗിച്ച് ഒരുക്കിയ ഏറ്റവും വലിയ കളം എന്ന വിഭാഗത്തിൽ ‘മുണ്ടുകളം’ ഏഷ്യ ബുക്ക് ഓഫ് റെക്കോർഡ്സിൽ ഇടം നേടി.

കൊച്ചി ഫോറം മാളിൽ 3,000-ത്തോളം മുണ്ടുകൾ ഉപയോഗിച്ചാണ് 30 അടി വ്യാസമുള്ള മുണ്ടുകളം ഒരുക്കിയത്. കേരളത്തിന്‍റെ പ്രിയപ്പെട്ട ഓണാഘോഷ പാരമ്പര്യവും മലയാളികളുടെ പരമ്പരാഗത വസ്ത്രമായ മുണ്ടും രാംരാജ് കോട്ടണിൻ്റെ വസ്ത്രശൈലിയും സമന്വയിപ്പിച്ചാണ് ഈ വേറിട്ട സംരംഭം ഒരുക്കിയത്.

വൈവിധ്യമാർന്ന നിറങ്ങളിലും മനോഹരമായ രൂപകൽപ്പനയിലും ഒരുക്കിയ മുണ്ടുകളം കൊച്ചി ഫോറം മാളിലെത്തിയവരുടെ ശ്രദ്ധ ആകർഷിച്ചു. കേരളത്തിന്‍റെ സാംസ്കാരിക പൈതൃകത്തെയും ഓണത്തിന്‍റെ ആഘോഷഭാവത്തെയും വേറിട്ട രീതിയിൽ അവതരിപ്പിച്ച ഈ സംരംഭം രാംരാജ് കോട്ടണിന്‍റെ ഓണാഘോഷങ്ങൾക്ക് കൂടുതൽ തിളക്കം നൽകി.