ലത്തീന്‍ സഭയുടെ അതൃപ്തി മാറ്റാന്‍ സര്‍ക്കാര്‍, അരമനയിലെത്തി ആര്‍ച്ച് ബിഷപ്പ് അടക്കമുള്ളവരെ കണ്ട് മുഖ്യമന്ത്രി വി.ഡി സതീശന്‍
സർക്കാരിൻ്റെ സത്യപ്രതിജ്ഞാ ചടങ്ങ് ലത്തീൻ സഭ ബഹിഷ്കരിച്ചതിനു പിന്നാലെ സന്ദർശനം
തിരുവനന്തപുരം:മന്ത്രിസഭയിൽ പ്രാതിനിധ്യം നൽകാത്തതിൽ പ്രതിഷേധിച്ച് സർക്കാരിൻ്റെ സത്യപ്രതിജ്ഞാ ചടങ്ങ് ലത്തീൻ സഭ ബഹിഷ്കരിച്ചതിനു പിന്നാലെ അരമനലെത്തി ആര്‍ച്ച് ബിഷപ്പ് അടക്കമുള്ളവരെ കണ്ട് മുഖ്യമന്ത്രി വി.ഡി സതീശന്‍.
സത്യപ്രതിജ്ഞ കഴിഞ്ഞ് മണിക്കൂറുകള്‍ക്ക് അകം മുഖ്യമന്ത്രി വി.ഡി സതീശന്‍, വെള്ളയമ്പലം അരമനലെത്തുകയായിരുന്നു.വെള്ളയമ്പലം ബിഷപ്പ് ഹൗസിലെത്തി ആര്‍ച്ച് ബിഷപ്പ് തോമസ് നെറ്റോ അടക്കമുള്ളവരെ കണ്ടു.മന്ത്രിസഭയില്‍ സഭാ പ്രാതിനിധ്യം ഇല്ലാത്തതില്‍ കടുത്ത അതൃപ്തിയിലായിരുന്നു ലത്തീന്‍ രൂപത.
സത്യപ്രതിജ്ഞ ചടങ്ങും സഭ ബഹിഷ്‌കരിച്ചു. ഇതിന് പിന്നാലെയാണ് സന്ദര്‍ശനം. തീരപ്രദേശത്തെ വിഷയങ്ങളില്‍ ശ്രദ്ധയോടെയുള്ള ഇടപെടല്‍ മുഖ്യമന്ത്രി ഉറപ്പ് നല്‍കിയെന്നും സഭയുടെ അതൃപ്തി മാറിയെന്നും തിരുവനന്തപുരം രൂപത വികാരി ജനറല്‍ ഫാ. യൂജിന്‍ പെരേര പറഞ്ഞു.
കോവളം എംഎല്‍എ എം. വിന്‍സെൻ്റിനെ ഫിഷറീസ് മന്ത്രിയാക്കണമെന്നായിരുന്നു സഭ നേരത്തെ ആവശ്യപ്പെട്ടിരുന്നു.
