‘അതിമനോഹരം’ എന്ന സിനിമയുടെ ഷൂട്ടിം​ഗ് ആണ് മോഹൻലാലിൻ്റേതായി നിലവിൽ പുരോ​ഗമിക്കുന്നത്
കൊച്ചി:മോഹൻലാൽ ഇനി അഭിനയിക്കുന്നത് വിഷ്ണു മോഹൻ, അനൂപ് സത്യൻ, പ്രിയദർശൻ, ദിലീഷ് പോത്തൻ, സത്യൻ അന്തിക്കാട്, ജൂഡ് ആന്തണി ജോസഫ്, ജീത്തു ജോസഫ് എന്നിവരുടെ ചിത്രങ്ങളിലാണ് .’ആവേശകരമായ കഥകൾ, യാത്രകൾ. അത്രയും പ്രത്യേകതയുള്ള സംവിധായകർ. എന്‍റെ വരാനിരിക്കുന്ന ഏഴ് ചിത്രങ്ങളുടെ ചില വിവരങ്ങൾ ഇതാ’ എന്ന കുറിപ്പോടെയാണ് മോഹൻലാൽ സംവിധായകരുടെ പട്ടിക പുറത്തുവിട്ടത്
അതേസമയം,വിഷ്ണു മോഹൻ സംവിധാനം ചെയ്യുന്ന മോഹൻലാൽ ചിത്രത്തിന് ജോർജിയയിൽ തുടക്കമായി. ചിത്രത്തിന്‍റെ ഛായാഗ്രഹണം നിർവ്വഹിക്കുന്നത് പുഷ്പ ദി റൈസ്, പുഷ്പ 2 ദി റൂൾ തുടങ്ങിയ ചിത്രങ്ങൾക്ക് കാമറ ചലിപ്പിച്ച പോളിഷ് ഛായാഗ്രാഹകൻ മിററോസ്ലാ കുബ ബ്രോസെക്കാണ്.തരുൺ മൂർത്തിയുടെ ‘അതിമനോഹരം’ പൂർത്തിയാക്കിയ ശേഷം മോഹൻലാൽ അടുത്ത മാസം ചിത്രത്തിന്‍റെ ജോർജിയൻ ഷെഡ്യൂളിൽ ജോയിൻ ചെയ്യും. അതേസമയം ചിത്രത്തിലെ മുഴുവൻ താരനിരയെയും അണിയറപ്രവർത്തകരെയും പരിചയപ്പെടുത്തുന്ന ഒരു പ്രൊമോ വീഡിയോ അണിയറയിൽ ഒരുങ്ങുന്നുണ്ട്. ഈ വീഡിയോ ഉടൻ തന്നെ പുറത്തിറങ്ങുമെന്നാണ് പ്രതീക്ഷിക്കുന്നത്. ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലനാണ് ഈ ബിഗ് ബഡ്ജറ്റ് ചിത്രം നിർമ്മിക്കുന്നത്. ദുൽഖർ സൽമാൻ ചിത്രം കാന്തായിലൂടെ പ്രശസ്തയായ ഭാഗ്യശ്രീ ഭോർസെയാണ് നായിക.
‘അതിമനോഹരം’ എന്ന സിനിമയുടെ ഷൂട്ടിം​ഗ് ആണ് മോഹൻലാലിൻ്റേതായി നിലവിൽ പുരോ​ഗമിക്കുന്നത്. ലവ്‍ലജന്‍ എന്ന പൊലീസ് കഥാപാത്രമാണ് ചിത്രത്തില്‍ മോഹന്‍ലാല്‍. മീര ജാസ്മിന്‍ ആണ് നായിക. വന്‍ വിജയം നേടിയ ‘തുടരും’ എന്ന ചിത്രത്തിന് ശേഷം തരുണ്‍ മൂര്‍ത്തിയുടെ സംവിധാനത്തില്‍ മോഹന്‍ലാല്‍ നായകനാവുന്ന ചിത്രമാണ് ‘അതിമനോഹരം’.