പൂജാ അവധിക്കാലത്ത് മോഹൻലാൽ,അമൽ നീരദ് ചിത്രങ്ങൾ

കൊച്ചി:മോഹൻലാലിൻ്റെയും അമൽ നീരദിൻ്റെയും ചിത്രങ്ങൾ ഒക്ടോബറിൽ പൂജാ അവധിക്കാലത്ത് ബോക്‌സോഫീസിൽ നേർക്കുനേർ.
‘തുടരും’ എന്ന ബ്ലോക്ക്ബസ്റ്ററിന് ശേഷം മോഹൻലാലിനെ നായകനാക്കി തരുണ്‍ മൂര്‍ത്തി സംവിധാനം ചെയ്യുന്ന പേരിട്ടിട്ടില്ലാത്ത ചിത്രം ഒക്ടോബർ 17 ന് സെൻട്രൽ പിക്ചേഴ്സ് തീയേറ്ററുകളിലെത്തിക്കുമെന്നാണ് ധാരണ. ആഷിക്ക് ഉസ്മാൻ പ്രൊഡക്ഷൻസിന്റെ ബാനറിൽ ആഷിക്ക് ഉസ്മാൻ നിർമിക്കുന്ന ചിത്രത്തിന്‍റെ രചന നിർവ്വഹിക്കുന്നത് രതീഷ് രവിയാണ്. മീര ജാസ്മിനാണ് നായിക. ക്യാമറ – ഷാജികുമാർ, സംഗീതം – ജേക്ക്സ് ബിജോയ്.
‘ ബാച്ചിലർ പാർട്ടി’ യുടെ രണ്ടാം ഭാഗമായ ‘ ബാച്ചിലർ പാർട്ടി ഡ്യൂ’ ഒക്ടോബർ 16 ന് റിലീസ് ചെയ്യാനാണ് തീരുമാനം. അമൽ നീരദ് പ്രൊഡക്ഷൻസിൻ്റെയും അൻവർ റഷീദ് എൻ്റർടെയ്ൻമെൻ്റ്സിൻ്റെയും ബാനറിൽ ജ്യോതിര്‍മയിയും അൻവർ റഷീദും ചേർന്നാണ് നിർമിക്കുന്നത്. ചിത്രത്തിൽ നസ്ലിൻ, ടൊവിനോ തോമസ്, കുഞ്ചാക്കോ ബോബൻ, സൗബിൻ ഷാഹിർ, ഷറഫുദ്ദീൻ, ശ്രീനാഥ് ഭാസി, ഷൈൻടോം ചാക്കോ, ചന്തു, നദിയ മൊയ്തു, ജ്യോതിര്‍മയി, രജിഷ വിജയൻ, ഹൻസിക എന്നിവരാണ് പ്രധാന വേഷങ്ങളിൽ എത്തുന്നത്. ക്യാമറ – അപ്പു പ്രഭാകരൻ, സംഗീതം – ക്രിസ്റ്റോ സേവ്യർ.