വൈശാഖിൻ്റെ സംവിധാനത്തിലെത്തുന്ന ‘ഖലീഫ’യുടെ തിരക്കഥ ജിനു എബ്രഹാം

കൊച്ചി:പൃഥ്വിരാജ് സുകുമാരനെ നായകനാക്കി ജിനു.വി. എബ്രഹാമിന്റെ രചനയിൽ വൈശാഖ് സംവിധാനം ചെയ്ത ‘ഖലീഫ’യ്ക്ക് തിരുവോണത്തിന്ന് ഡൊമസ്റ്റിക്ക് കളക്ഷനിൽ വളർച്ച രേഖപ്പെടുത്തി. പ്രമുഖ ട്രേഡ് ട്രാക്കർമാരായ ക്ലിക്കിന്‍റെ കണക്കുകൾ പ്രകാരം ചിത്രം 1.53 കോടി ഇന്ത്യ നെറ്റ് നേടി.
ആറാം ദിനത്തിലെ 1.15 കോടിയുമായി താരതമ്യം ചെയ്യുമ്പോൾ ഇത് 33 ശതമാനം വർധനയാണ്. ഇതോടെ ചിത്രത്തിന്‍റെ ഇന്ത്യ നെറ്റ് കളക്ഷൻ 15.55 കോടിയും ഗ്രോസ് 18.03 കോടിയുമായി, ഓവർസീസ് ഗ്രോസ് 17.75 കോടി.ഇതോടെ ‘ഖലീഫ’യുടെ ആഗോള ഗ്രോസ് കളക്ഷൻ 35.78 കോടിയിലെത്തി. ഏഴാം ദിവസം 759 ഷോകളിലായി പ്രദർശിപ്പിച്ച ചിത്രത്തിന് 42.53% ഒക്ക്യുപ്പെൻസി ലഭിച്ചു. ഈവനിംഗ്, നൈറ്റ് ഷോകളിലാണ് മികച്ച പ്രതികരണം രേഖപ്പെടുത്തിയത്.
വൈശാഖിൻ്റെ സംവിധാനത്തിലെത്തുന്ന ‘ഖലീഫ’യുടെ തിരക്കഥ ജിനു എബ്രഹാമാണ് രചിച്ചത്. അദ്ദേഹം തന്നെയാണ് നി‍ർമ്മാതാവും. ജിനു ഇന്നോവേഷൻസിൻ്റെ ബാനറിലാണ് ചിത്രം നി‍ർമ്മിക്കുന്നത്. സൂരജ് കുമാർ, ശ്രീലാൽ സൂരപാണി, സിജോ സെബാസ്റ്റ്യൻ എന്നിവരാണ് സഹനിർമ്മാതാക്കൾ. തെന്നിന്ത്യൻ താരം മാളവിക ശർമ്മയാണ് നായിക. ചിത്രത്തിൽ മാമ്പറയ്ക്കൽ ആമിർ അലി എന്ന കഥാപാത്രമായ് പൃഥ്വിരാജ് എത്തുമ്പോൾ മാമ്പറയ്ക്കൽ അഹമ്മദ് അലിയായി അതിഥി വേഷത്തിൽ മോഹൻലാലും പ്രത്യക്ഷപ്പെടുന്നു. രഞ്ജി പണിക്കർ. ശിവജിത്, ഇന്ദ്രൻസ്, ഷമ്മി തിലകൻ,ഷൈൻ വർഗീസ്, മോഹിനി, കൈറാ, മാസ്റ്റർ നഫാഷ് തുടങ്ങിയവരും ചിത്രത്തിലുണ്ട്. ജേക്സ് ബിജോയുടെ സംഗീത സംവിധാനത്തിൽ കഴിഞ്ഞ ദിവസങ്ങളിൽ പുറത്തിറങ്ങിയ ഖലീഫയിലെ ഗാനങ്ങൾ ട്രെൻഡിങ് ആയി തുടരുകയാണ്.
സംഗീതം: ജേക്സ് ബിജോയ്, ഛായാഗ്രഹണം: ജോമോൻ ടി ജോൺ, എഡിറ്റിംഗ്: ചമൻ ചാക്കോ, പ്രൊഡക്ഷൻ ഡിസൈനർ: മോഹൻദാസ്, ആക്ഷൻ: യാനിക്ക് ബെൻ, ഫീനിക്സ് പ്രഭു, ചേതൻ ഡിസൂസ, കോ ഡയറക്ടർ: സുരേഷ് ദിവാകർ, എക്സിക്യൂട്ടീവ് പ്രൊഡ്യൂസർ: ഷൈൻ വർഗീസ്,കലാസംവിധാനം: വിശ്വനാഥ് അരവിന്ദ്, കോസ്റ്റ്യൂംസ്: മഷർ ഹംസ, മേക്കപ്പ്: അമൽ ചന്ദ്രൻ, സൗണ്ട് ഡിസൈൻ: സിങ്ക് സിനിമ, അഡീഷണൽ മ്യൂസിക്: ജാബിർ സുലൈം, ഫൈനൽ മിക്സ്: എം ആർ രാജാകൃഷ്ണൻ, പ്രൊഡക്ഷൻ കൺട്രോളർ: റെനി ദിവാകർ, വിനോഷ് കൈമൾ, കളറിസ്റ്റ്: ശ്രീക്ക് വാര്യർ, പോസ്റ്റർ ഡിസൈൻ: എയ്സ്തെറ്റിക്ക് കുഞ്ഞമ്മ, ഡി ഐ: കളർ പ്ലാനറ്റ്, വിഎഫ്എക്സ്: പ്രശാന്ത് നായർ (3ഡിഎസ്), പ്രൊമോഷൻസ് ആൻഡ് മാർക്കറ്റിങ്: വിപിൻ കുമാർ പൊഫാറ്റിയോ, സ്റ്റിൽസ്: സിനറ്റ് സേവ്യർ.