ഇ. ശ്രീധരൻ,ജോയ് ആലുക്കാസ്,ടി. എസ്. കല്യാണരാമൻ, കൊച്ചൗസേപ്പ് ചിറ്റിലപ്പിള്ളി, എം. എ. യൂസഫലി ,എം. പി. രാമചന്ദ്രൻ,ഡോ. എ. വി. അനൂപ്,ബാലചന്ദ്രമേനോൻ എന്നിവർക്കും അവാർഡ്

തിരുവനന്തപുരം: ലോക വിദ്യാർത്ഥി ദിനത്തിൽ എപിജെ അബ്ദുൾ കലാം വിഷനറി ബയോഗ്രഫി അവാർഡുകൾ പ്രഖ്യാപിച്ചു. വ്യവസായം, മാധ്യമം, ആരോഗ്യം, സിനിമ, പൊതുസേവനം തുടങ്ങിയ മേഖലകളിൽ ശ്രദ്ധേയമായ സംഭാവനകൾ നൽകിയ 30 പ്രമുഖരാണ് പുരസ്കാരത്തിന് അർഹരായത്.അവരിൽ ആറുപേർ അന്തരിച്ച പ്രതിഭകളാണ്.

ഇൻഡിവുഡ് എന്റർടൈൻമെന്റ് കൺസോർഷ്യവും അട്ടപ്പാടി എപിജെ അബ്ദുൾ കലാം ഇന്റർനാഷണൽ റെസിഡൻഷ്യൽ ട്രൈബൽ സ്കൂളും ചേർന്നാണ് പരിപാടി സംഘടിപ്പിക്കുന്നത്. മികച്ച ജീവചരിത്രങ്ങളെ ആദരിക്കുകയും യുവമനസ്സുകളെ പ്രചോദിപ്പിക്കുകയുമാണ് ലക്ഷ്യം. പുരസ്കാരങ്ങൾ ജനുവരി 13-ന് സ്കൂൾ അങ്കണത്തിൽ വച്ച് സമ്മാനിക്കും. അട്ടപ്പാടി എപിജെ അബ്ദുൾ കലാം ഇന്റർനാഷണൽ റെസിഡൻഷ്യൽ ട്രൈബൽ സ്കൂളിന്‍റെ ഔദ്യോഗിക സോഷ്യൽ മീഡിയ പേജുകളിലൂടെയും ഏരീസ് ഗ്രൂപ്പ് ഓഫ് കമ്പനിയുടെ സ്ഥാപക ചെയർമാൻ സോഹൻ റോയിയുടെ സോഷ്യൽ മീഡിയ പേജുകളിലൂടെയുമാണ് ജേതാക്കളെ പ്രഖ്യാപിച്ചത്:

പുരസ്കാര ജേതാക്കൾ:

ഡോ. ജോയ് ആലുക്കാസ് – ചെയർമാൻ & മാനേജിംഗ് ഡയറക്ടർ, ജോയ്ആലുക്കാസ് ഗ്രൂപ്പ്
ടി. എസ്. കല്യാണരാമൻ – മാനേജിംഗ് ഡയറക്ടർ, കല്യാൺ ജൂവലേഴ്സ്
കൊച്ചൗസേപ്പ് ചിറ്റിലപ്പിള്ളി – സ്ഥാപകൻ, വി-ഗാർഡ് ഇൻഡസ്ട്രീസ് & വണ്ടർലാ ഹോളിഡേയ്സ്
ഡോ. എം. എ. യൂസഫലി – ചെയർമാൻ & മാനേജിംഗ് ഡയറക്ടർ, ലുലു ഗ്രൂപ്പ് ഇന്റർനാഷണൽ
എം. പി. രാമചന്ദ്രൻ – സ്ഥാപകൻ, ജ്യോതി ലാബ്സ്
ഡോ. എ. വി. അനൂപ് – മാനേജിംഗ് ഡയറക്ടർ, എവിഎ ഗ്രൂപ്പ് (മെഡിമിക്സ്)
ഡോ. വിജു ജേക്കബ് – മാനേജിംഗ് ഡയറക്ടർ, സിന്തൈറ്റ് ഇൻഡസ്ട്രീസ്
ഡോ. ജാവാദ് ഹസൻ – സ്ഥാപകൻ & ചെയർമാൻ, നെസ്റ്റ് ഗ്രൂപ്പ്
കുര്യൻ ജോൺ മേലമ്പറമ്പിൽ – സ്ഥാപകൻ, മേളം ഗ്രൂപ്പ്
എൻ. ആർ. പണിക്കർ – ചെയർമാൻ & മാനേജിംഗ് ഡയറക്ടർ, ആക്സൽ ലിമിറ്റഡ്
സി. ബാലഗോപാൽ – സ്ഥാപകൻ, പെൻപോൾ (ടെറുമോ പെൻപോൾ)
സി. വി. റപ്പായി – സിഇഒ & ഡയറക്ടർ, ജംബോ ഇലക്ട്രോണിക്സ്, ഖത്തർ
എം. എസ്. ഫൈസൽ ഖാൻ – മാനേജിംഗ് ഡയറക്ടർ, നിംസ് മെഡിസിറ്റി
ദിലീപ് കുമാർ (ദിലീപ് ഹെയിൽബ്രോൺ) – സ്ഥാപകൻ & ചെയർമാൻ, ഹെയിൽബ്രോൺ പ്രോപ്പർട്ടീസ്, ദുബായ്
ബിബിൻ കുമാർ വി – സ്ഥാപകൻ & ചെയർമാൻ, ബ്രാവിയോ ഗ്രൂപ്പ് ഓഫ് കമ്പനീസ്
ആന്റണി പ്രിൻസ് – പ്രസിഡന്റ് & സിഇഒ, സ്മാർട്ട് എൻജിനീയറിംഗ് & ഡിസൈൻ സൊല്യൂഷൻസ് (SEDS)
സുരേഷ് കുമാർ – സീഗൾ ഗ്രൂപ്പ്
ഡോ. സിദ്ദീഖ് അഹമ്മദ് – ചെയർമാൻ, ഇറാം ഗ്രൂപ്പ്
ഡോ. ഇ. ശ്രീധരൻ – മുൻ മാനേജിംഗ് ഡയറക്ടർ, ഡൽഹി മെട്രോ റെയിൽ കോർപ്പറേഷൻ (DMRC)
ഡോ. കെ. പി. ഹുസൈൻ – സ്ഥാപക ചെയർമാൻ, ഫാത്തിമ ഹെൽത്ത്കെയർ ഗ്രൂപ്പ്, യുഎഇ
വേണു കുന്നപ്പിള്ളി – നിർമ്മാതാവ്, കാവ്യ ഫിലിം കമ്പനി
ബാലചന്ദ്രമേനോൻ – ചലച്ചിത്ര നടൻ, സംവിധായകൻ, തിരക്കഥാകൃത്ത്
രാജു മേനോൻ – സ്ഥാപകൻ, ചെയർമാൻ & മാനേജിംഗ് പാർട്ണർ, ക്രെസ്റ്റൺ മേനോൻ, ദുബായ്
വി. പി. നന്ദകുമാർ – നോൺ-എക്സിക്യൂട്ടീവ് ചെയർമാൻ, മണപ്പുറം ഫിനാൻസ് ലിമിറ്റഡ്
മരണാനന്തര പുരസ്കാരം
ഡോ. വർഗീസ് കുര്യൻ – സ്ഥാപക ചെയർമാൻ, നാഷണൽ ഡയറി ഡെവലപ്മെന്റ് ബോർഡ് (NDDB) / അമുൽ
കെ. എം. മാത്യു – ചീഫ് എഡിറ്റർ, മലയാള മനോരമ
കെ. പി. കേശവമേനോൻ – സ്ഥാപകൻ & ചീഫ് എഡിറ്റർ, മാതൃഭൂമി
ക്യാപ്റ്റൻ സി. പി. കൃഷ്ണൻ നായർ – സ്ഥാപകൻ, ദി ലീല പാലസസ്, ഹോട്ടൽസ് & റിസോർട്ട്സ്
ഡോ. പി. കെ. വാര്യർ – മാനേജിംഗ് ട്രസ്റ്റി, കോട്ടക്കൽ ആര്യവൈദ്യശാല
രാജൻ പിള്ള – ബ്രിട്ടാനിയ ഇൻഡസ്ട്രീസ്
ഇന്ത്യൻ ചലച്ചിത്ര-വിനോദ വ്യവസായത്തെ ആഗോള തലത്തിൽ ബന്ധിപ്പിക്കുകയെന്ന ലക്ഷ്യത്തോടെ പ്രവർത്തിക്കുന്ന ഇൻഡിവുഡ് എന്റർടൈൻമെന്റ് കൺസോർഷ്യം സിനിമ, വിനോദം, സാംസ്കാരിക രംഗങ്ങളിലെ പ്രതിഭകളെ ഒരുമിപ്പിക്കുന്ന വേദികൾ ഒരുക്കിവരുന്ന സംരംഭമാണ്.