ആറ് ദിവസം കൊണ്ട് ‘സീൻ’  കേരളത്തിൽ നിന്ന് 22.45 കോടി രൂപ

ചെന്നൈ:സൂര്യയും നസ്രിയയും നസ്‌ലിനും ഒന്നിച്ചെത്തിയ ജിത്തു മാധവൻ ചിത്രം ‘സീൻ’ ആഗോള ബോക്സ് ഓഫീസിൽ റിലീസ് ചെയ്ത് ആദ്യ ഏഴ് ദിവസങ്ങൾ പിന്നിടുമ്പോൾ 200 കോടി ക്ലബ്ബിൽ ഇടംപിടിച്ചു. ഏഴാം ദിവസത്തെ കളക്ഷൻ കൂടി എത്തിയതോടെ ആഗോള ഗ്രോസ് കളക്ഷൻ 200.60 കോടി രൂപയായി ഉയർന്നു.
ട്രേഡ് ട്രാക്കർമാരായ സാക്നിൽക്കിന്റെ കണക്കുകൾ പ്രകാരം ഇന്ത്യയിൽ നിന്ന് 111.55 കോടി രൂപ നെറ്റ് കളക്ഷനും 129.60 കോടി രൂപ ഗ്രോസ് കളക്ഷനുമാണ് ചിത്രം നേടിയിരിക്കുന്നത്. വിദേശ വിപണിയിൽ നിന്ന് ഇതുവരെ 71 കോടി രൂപ ഗ്രോസ് നേടിയിട്ടുണ്ട്. ഏഴാം ദിവസം മാത്രം വിദേശ വിപണിയിൽ നിന്ന് നാല് കോടി രൂപയാണ് ലഭിച്ചത്.
തമിഴ്, തെലുങ്ക് പതിപ്പുകളിലൂടെയാണ് ചിത്രം ഏഴാം ദിവസം ഇന്ത്യയിൽ 6.10 കോടി രൂപ നെറ്റ് നേടിയത്. ഇതിൽ തമിഴ് പതിപ്പിന്‍റെ വിഹിതം 4.50 കോടിയും തെലുങ്ക് പതിപ്പിന്‍റേത് 1.60 കോടി രൂപയുമാണ്.ആകെ ഇന്ത്യ നെറ്റ് കളക്ഷനിൽ 91.05 കോടി രൂപയും തമിഴ് പതിപ്പിൽ നിന്നാണ്. തെലുങ്ക് പതിപ്പ് 20.50 കോടി രൂപയും നേടി. ഇതുവരെ 83.47 ലക്ഷത്തിലധികം ടിക്കറ്റുകളാണ് ചിത്രം വിറ്റഴിച്ചത്.
കേരള ബോക്സ് ഓഫീസിലും ‘സീൻ’ വലിയ നേട്ടങ്ങളാണ് സ്വന്തമാക്കുന്നത്. ആറ് ദിവസം കൊണ്ട് കേരളത്തിൽ നിന്ന് 22.45 കോടി രൂപ ഗ്രോസ് നേടിയ ചിത്രം മണിരത്നത്തിന്‍റെ ‘പൊന്നിയിൻ സെൽവൻ 1’ കേരളത്തിൽ നേടിയ കളക്ഷൻ മറികടക്കുന്നതിന് തൊട്ടരികിലെത്തി. 47 ലക്ഷം രൂപയുടെ വ്യത്യാസം മാത്രമാണ് ഇപ്പോൾ അവശേഷിക്കുന്നത്.കേരളത്തിൽ ഏറ്റവും കൂടുതൽ കളക്ഷൻ നേടിയ തമിഴ് ചിത്രങ്ങളുടെ ആദ്യ അഞ്ച് സ്ഥാനങ്ങളിൽ ഇടംപിടിക്കാനും രജനീകാന്തിന്‍റെ ‘കൂലി’യുടെ റെക്കോർഡിലേക്ക് എത്താനുമാണ് ഇനി ചിത്രത്തിന്‍റെ ലക്ഷ്യം