ഈ മാരത്തണിൽ 15,000-ത്തിലധികം പേർ പങ്കെടുക്കുമെന്ന് പ്രതീക്ഷ

തിരുവനന്തപുരം: പ്രമുഖ എഐ, ഡിജിറ്റൽ ട്രാൻസ്‌ഫോർമേഷൻ സൊല്യൂഷൻസ് കമ്പനിയായ യുഎസ് ടി സംഘടിപ്പിക്കുന്ന ട്രിവാൻഡ്രം മാരത്തണിന്‍റെ മൂന്നാം പതിപ്പ് നവംബർ 15 ന് . എൻഇബി സ്‌പോർട്‌സിൻ്റെ പങ്കാളിത്തത്തോടു കൂടിയാണ് യു എസ് ടി ട്രിവാൻഡ്രം മാരത്തൺ 2026 സംഘടിപ്പിക്കുന്നത് .

തിരുവനന്തപുരത്തെ ഏറ്റവും വലിയ മാരത്തണിൽ നാല് വ്യത്യസ്ത വിഭാഗങ്ങളിലായി 15,000-ത്തിലധികം പേർ പങ്കെടുക്കുമെന്നാണ് പ്രതീക്ഷിക്കുന്നത്.
കഴിഞ്ഞ വർഷത്തിനു സമാനമായി, ഫുൾ മാരത്തൺ, ഹാഫ് മാരത്തൺ, 10 കെ റൺ, 5 കെ റൺ എന്നിങ്ങനെ നാലു വിഭാഗങ്ങളാണ് ഉൾപ്പെടുത്തിയിട്ടുള്ളത്. യു എസ് ടി കാമ്പസിൽ നിന്ന് ആരംഭിച്ച് നഗരത്തിന്റെ വിവിധ ഭാഗങ്ങളിലൂടെ സഞ്ചരിച്ച് ക്യാമ്പസിൽ സമാപിക്കുന്ന വിധത്തിലാണ് മാരത്തൺ ആസൂത്രണം ചെയ്തിട്ടുള്ളത്.

” ശാരീരികവും മാനസികവുമായ ക്ഷേമത്തെക്കുറിച്ച് ജനങ്ങൾക്കിടയിൽ അവബോധം സൃഷ്ടിക്കുക എന്ന ദൗത്യം കൂടുതൽ അർത്ഥവത്തായ രീതിയിൽ മുന്നോട്ട് കൊണ്ടുപോകാൻ മൂന്നാം വർഷത്തിൽ യു എസ് ടി ട്രിവാൻഡ്രം മാരത്തൺ യത്നിക്കും. ഈ സംരംഭത്തിൽ പങ്കെടുക്കാനായി രാജ്യമെമ്പാടുമുള്ള ജനങ്ങളെ സ്വാഗതം ചെയ്യുന്നു. ഈ വർഷത്തെ മാരത്തൺ ഒരു മികച്ച വിജയമാകുമെന്ന് ഞാൻ ആഗ്രഹിക്കുന്നു,” യുഎസ് ടി പ്രസിഡന്‍റ് അലക്സാണ്ടർ വർഗീസ് പറഞ്ഞു.

“യു എസ് ടി ട്രിവാൻഡ്രം മാരത്തണിന്‍റെ മൂന്നാം പതിപ്പിനായി വീണ്ടും തിരുവനന്തപുരത്ത് തിരിച്ചെത്താൻ കഴിയുന്നു എന്നതിൽ ഞങ്ങൾക്ക് സന്തോഷമുണ്ട്. യു എസ് ടി യുമായി സഹകരിച്ചതിലൂടെ 2025 ലെ മാരത്തണിൽ 10,000 ത്തിലധികം ഓട്ടക്കാരെ പങ്കെടുപ്പിക്കാൻ കഴിഞ്ഞു. അതിലൂടെ, കേരള സംസ്ഥാനത്തെ ഇതുവരെയുള്ള ഏറ്റവും വലിയ മാരത്തണായി മാറുകയും ചെയ്തു. ഈ വർഷം ഈ സംഖ്യ 15000 ത്തിലധികമായി ഉയരുന്നത് കാണാൻ ഞങ്ങൾ ആഗ്രഹിക്കുന്നു.” എൻ ഇ ബി സ്പോർട്സ് സിഎംഡി നാഗരാജ് അഡിഗ പറഞ്ഞു.

തിരുവനന്തപുരത്തെ ഏറ്റവും വലിയ മാരത്തണിൽ പങ്കെടുക്കാൻ ഈ ലിങ്ക് വഴി രജിസ്റ്റർ ചെയ്യാം:
https://mysamay.in/public/event/info/e3e02f08-0651-493f-b7eb-953a359bf17f%3Fcmeta%3DNsVT4A0i27

കൂടുതൽ വിവരങ്ങൾക്ക്: https://www.trivandrummarathon.com