ജൂനിയർ (എട്ടാം ക്ലാസ് മുതൽ പത്രണ്ടാം ക്ലാസ് വരെ), സീനിയർ (കോളേജ് വിദ്യാർത്ഥികൾ) വിഭാഗങ്ങളിൽ പ്രത്യേകം മത്സരം

തിരുവനന്തപുരം: വയലാർ രാമവർമ്മയുടെ അൻപതാം ചരമവാർഷികവും 50-ാം വയലാർ വയലാർ സാഹിത്യ അവാർഡ് സമർപ്പണത്തോടും അനുബന്ധിച്ച് ഒരു വർഷക്കാലം നീണ്ടുനിൽക്കുന്ന “വയലാർ വർഷം 2025-26”ൻ്റെ ഭാഗമായി വിദ്യാർത്ഥികൾക്കായി സംസ്ഥാനതല വയലാർ കവിതാലാപനം – ഗാനാലാപനം മത്സരങ്ങൾ സംഘടിപ്പിക്കുന്നു.
വയലാർ രാമവർമ്മ മെമ്മോറിയൽ ട്രസ്റ്റും തിരുവനന്തപുരം വഴുതക്കാട് സർക്കാർ വനിത കോളേജിലെ സംഗീത വിഭാഗവും സംയുക്തമായി സംഘടിപ്പിക്കുന്ന മത്സരത്തിൽ പങ്കെടുക്കുന്നതിനുള്ള ഓൺലൈൻ രജിസ്ട്രേഷൻ ആരംഭിച്ചു. ജൂനിയർ (എട്ടാം ക്ലാസ് മുതൽ പത്രണ്ടാം ക്ലാസ് വരെ), സീനിയർ (കോളേജ് വിദ്യാർത്ഥികൾ) വിഭാഗങ്ങളിൽ പ്രത്യേകം മത്സരം നടത്തുന്നതാണ്. ഗാനാലാപന മത്സരത്തിൽ പങ്കെടുക്കാൻ രജിസ്ട്രേഷനൊപ്പം വയലാർ ഗാനം ആലപിക്കുന്ന വീഡിയോ കൂടെ അയച്ച് നൽകേണ്ടതാണ്. മത്സരത്തിൽ ഒന്ന്, രണ്ട്, മൂന്ന് സ്ഥാനങ്ങൾ നേടുന്ന വിജയികൾക്ക് യഥാക്രമം 5000, 3000, 1500 തുക സമ്മാനമായി ലഭിക്കും. സമ്മാനങ്ങൾ 2026 ഒക്ടോബർ 27ന് നടക്കുന്ന വയലാർ സാഹിത്യ അവാർഡ് സമർപ്പണ ചടങ്ങിൽ വിതരണം ചെയ്യുന്നതാണ്.
മത്സരത്തിൽ പങ്കെടുക്കാൻ ആഗ്രഹിക്കുന്ന വിദ്യാർത്ഥികൾ ഐ. ഡി. കാർഡിൻ്റെ പകർപ്പ് സഹിതം forms.gle/GqN3g8ANY8NuHniJ6 എന്ന ലിങ്കിലൂടെ 2026 ജൂലൈ 25ന് മുൻപായി രജിസ്റ്റർ ചെയ്യേണ്ടതാണ്. 2026 ആഗസ്റ്റ് 08, 09 തീയതികളിലായി തിരുവനന്തപുരം സർക്കാർ വനിത കോളേജിൽ വച്ചാണ് മത്സരം. കൂടുതൽ വിവരങ്ങൾക്ക് 9846202762, 9447738832, 9446455052, 9037653775 എന്നീ നമ്പരുകളിൽ ബന്ധപ്പെടാവുന്നതാണ്.