‘പിറവിയില്‍ മുറിവേറ്റവര്‍’ എന്ന പരമ്പരയാണ് ഗീതു തമ്പിയെ പുരസ്‌കാരത്തിന് അര്‍ഹയാക്കിയത്
കൊച്ചി:’ജനയുഗം’ ദിനപത്രം തിരുവനന്തപുരം ബ്യൂറോ ചീഫ് ആയിരുന്ന പി.എസ് രശ്മിയുടെ ഓര്‍മ്മയ്ക്കായി പി.എസ് രശ്മി മെമ്മോറിയൽ സൊസൈറ്റി 40 വയസിൽ താഴെയുള്ള മാധ്യമപ്രവര്‍ത്തകര്‍ക്കായി ഏര്‍പ്പെടുത്തിയ രണ്ടാമത് പി.എസ് രശ്മി മെമ്മോറിയല്‍ യംഗ് ജേര്‍ണലിസ്റ്റ് പുരസ്കാരം ‘സുപ്രഭാതം’ മലപ്പുറം യൂണിറ്റിലെ സബ് എഡിറ്റർ ഗീതു തമ്പിക്ക്.

‘സുപ്രഭാതം ‘പത്രത്തില്‍ 2025ജൂൺ 22 മുതൽ 26 വരെ പ്രസിദ്ധീകരിച്ച ‘പിറവിയില്‍ മുറിവേറ്റവര്‍’ എന്ന പരമ്പരയാണ് ഗീതു തമ്പിയെ പുരസ്‌കാരത്തിന് അര്‍ഹയാക്കിയത്. ഭിന്നശേഷിക്കാരായ കുഞ്ഞുങ്ങളെ അവരുടെ കുടുംബവും സമൂഹവും എങ്ങനെ കൈകാര്യം ചെയ്യുന്നു എന്നും അതില്‍ നേരിടേണ്ടി വരുന്ന ഗുരുതര പ്രശ്നങ്ങള്‍ എന്താണെന്നും വ്യക്തമാക്കുന്നതാണ് പരമ്പര. മാധ്യമപ്രവര്‍ത്തകരായ എസ്. ഹരികൃഷ്ണന്‍, കെ. എ ബീന, ജിജോ സിറിയക് എന്നിവരടങ്ങുന്ന ജൂറിയാണ് പുരസ്‌കാരനിര്‍ണ്ണയം നടത്തിയത്. 11,111 രൂപയും ഫലകവും അടങ്ങുന്ന പുരസ്‌കാരം രശ്മിയുടെ ജന്മദിനമായ ഒക്ടോബര്‍ നാലിന് എറണാകുളം പ്രസ് ക്ലബ്ബ് ഹാളില്‍ വൈകിട്ട് നാലിന് നടക്കുന്ന ചടങ്ങില്‍ മന്ത്രി റോജി എം.ജോൺ വിതരണം ചെയ്യുമെന്ന് പി.എസ് രശ്മി മെമ്മോറിയൽ സൊസൈറ്റി ഭാരവാഹികള്‍ അറിയിച്ചു.
‘മലയാള മനോരമ ‘യിലെ ജോമാത്യുവിനായിരുന്നു ആദ്യ പുരസ്കാരം.