പുഞ്ചക്കരി വെള്ളയണി നീർത്തടത്തിൽ പക്ഷിവൈവിധ്യം കുറയുന്നു, അശാസ്ത്രീയ കൽക്കെട്ടുകളും കോൺക്രീറ്റ് കെട്ടുകളും പൊന്മാനുകളുടെ കൂടൊരുക്കലിനു തടസ്സമാകുന്നതായി കേരള നാച്ചുറൽ ഹിസ്റ്ററി സൊസൈറ്റി

‘മണൽതിട്ടകളിൽ കൂടൊരുക്കുന്ന പുള്ളിപൊന്മാൻ, പൊടി പൊന്മാൻ, വെള്ളമാറൻ പൊന്മാർ, കാക്ക പൊന്മാൻ എന്നിവയ്ക്ക് സ്വഭാവിക ഇടങ്ങൾ ഇല്ലാതാകുന്നു’
തിരുവനന്തപുരം:പുഞ്ചക്കരി വെള്ളയണി നീർത്തടത്തിലെ അശാസ്ത്രീയ നിർമ്മിതികളായ കൽക്കെട്ടുകളും കോൺക്രീറ്റ് കെട്ടുകളും പൊന്മാനുകളുടെ കൂടൊരുക്കലിനു തടസ്സമാകുന്ന ഗുരുതപരിസ്ഥിതി പ്രശ്നങ്ങൾക്കിട വരുത്തുന്നതായി കേരള നാച്ചുറൽ ഹിസ്റ്ററി സൊസൈറ്റി .
പുഞ്ചക്കരി വെള്ളായണി ബേർഡ് കൗണ്ട് പ്രവർത്തകർ നടത്തിയ പഠനത്തിലാണ് പൊന്മാൻ വർഗ്ഗത്തിൽ പെട്ട പക്ഷി വർഗ്ഗങ്ങൾക്ക് കൂടൊരുക്കാനുള്ള സ്വഭാവിക ഇടങ്ങൾ ഇല്ലാതാകുന്നതായി കണ്ടെത്തിയത് .മണൽതിട്ടകളിൽ കൂടൊക്കുരുന്ന പക്ഷികളാണ് പൊന്മാനുകൾ. കേരളത്തിൽ കണ്ടുവരുന്ന പുള്ളിപൊന്മാൻ, പൊടി പൊന്മാൻ, വെള്ളമാറൻ പൊന്മാർ, കാക്ക പൊന്മാൻ തുടങ്ങിയവയുടെ ആവാസ കേന്ദ്രമാണിവിടം.

മണ്ണിലുണ്ടാക്കുന്ന പാരമ്പര്യ നടവരമ്പും മൺപാതകളും നിലനിർത്തുകയും പുതിയവ ഉണ്ടാക്കുകയാണ് ഇവയുടെ ആവാസ വ്യവസ്ഥ സംരക്ഷിക്കുന്നതിനാവശ്യം . കൽക്കെട്ട് നിർമ്മിതിയുള്ള തോടിൻ്റെ ഒരു ഭാഗമെങ്കിലും മണതിട്ടയായി നിലനിർത്തണം .പക്ഷി സങ്കേതമായ ഈപ്രദേശത്ത് പ്രകൃതിക്കിണങ്ങുന്ന വികസനമേ പാടുള്ളുവെന്നും പക്ഷിനിരീക്ഷകരുടെ സംഘം ആവശ്യപ്പെട്ടു.
നിരീക്ഷകരും പരിസ്ഥിതി പ്രവർത്തകരുമായ സി.സുശാന്ത് , സി.ജി.അരുൺ, ജോസ് കെ.എസ് , എഴുത്തുകാരൻ കൂടിയായ സി.റഹിം , പ്രവീൺ ജെ , ബ്ലസൻ തുടങ്ങിയവരുടെ നേതൃത്വത്തിലായിരുന്നു പക്ഷിപഠനം. രാവിലെ ഏഴുമുതൽ നടന്ന സർവ്വെയിൽ 69 ജാതിയിൽപെട്ട 1548 പക്ഷികളെ കണ്ടെത്തി. പുഞ്ചക്കരിയെ അറു ഭാഗങ്ങളായി തിരിച്ച് പക്ഷിനിരീക്ഷകരുടെ ആറു സംഘം പഠനം നടത്തുകയായിരുന്നു .പക്ഷികളുടെ വൈവിധ്യം ഇവിടെ കുറഞ്ഞുവരുന്നതായി പഠനസംഘം വിലയിരുത്തി






