ഡിഎച്ച്എല് ഇന്ത്യയില് 8.9% നിരക്ക് വര്ദ്ധിപ്പിച്ചു
നിരക്ക് വര്ദ്ധന അടുത്ത വര്ഷം ജനുവരി 1 മുതല് നിലവില്വരും
കൊച്ചി: പ്രമുഖ അന്താരാഷ്ട്ര എക്സ്പ്രസ് സേവനദാതാവായ ഡിഎച്ച്എല് എക്സ്പ്രസ് അടുത്തവര്ഷത്തേക്കുള്ള നിരക്ക് പരിഷ്കരണം പ്രഖ്യാപിച്ചു. ഇന്ത്യയില് 8.9% നിരക്ക് വര്ദ്ധിപ്പിച്ചു. ഈ പരിഷ്കരണം അടുത്ത വര്ഷം ജനുവരി 1 മുതല് നിലവില്വരും.
ഡിഎച്ച്എല് പണപ്പെരുപ്പം, വിദേശനാണ്യവിനിമയനിരക്കിലെ ഏറ്റക്കുറച്ചിലുകള്, വ്യാവസായികാധിഷ്ഠിത ചെലവുകള് തുടങ്ങിയവ പരിഗണിച്ച് എല്ലാവര്ഷവും നിരക്ക് പരിഷ്കരിക്കാറുണ്ട്. 220-ല് അധികം രാജ്യങ്ങളിലും പ്രദേശങ്ങളിലും സേവനം നല്കുന്ന കമ്പനിയാണ് ഡിഎച്ച്എല് എക്സ്പ്രസ്. അതിനാല് പ്രാദേശിക സാമ്പത്തിക സാഹചര്യങ്ങള് മാത്രമല്ല, ആഗോള വിപണിയിലെ മാറ്റങ്ങളും കമ്പനിയുടെ പ്രവര്ത്തനങ്ങളെ സ്വാധീനിക്കാറുണ്ട്.
നിരക്ക് വര്ദ്ധനവ് കമ്പനിയുടെ ഉയര്ന്ന സേവനനിലവാരവും ഉപഭോക്താക്കള്ക്ക് കമ്പനിയുടെമേലുള്ള വിശ്വാസ്യതയും പരിപാലിക്കാന് വാര്ഷിക നിരക്ക് പരിഷ്കരണം സഹായിക്കുമെന്ന് കമ്പനിയുടെ ദക്ഷിണേഷ്യ എസ് വി പിയായ ആര് എസ് സുബ്രഹ്ണ്യന് പറഞ്ഞു.
