ബുക്ക് മൈ ഷോയില്‍ ‘സ്പൈഡർമാൻ ബ്രാൻഡ് ന്യൂ ഡേ’ വിറ്റുകൊണ്ടിരിക്കുന്നത് മണിക്കൂറില്‍ 46,000 ലേറെ ടിക്കറ്റ്

ന്യൂഡൽഹി :റിലീസ് ചെയ്ത് ആറ് ദിവസത്തിനുള്ളിൽ ലോകമെമ്പാടുമായി 10,925 കോടി കളക്ഷൻ നേടി ലോക സിനിമയുടെ ബോക്സോഫീസിൽ ഐതിഹാസിക വിജയത്തിന്‍റെ പുതു ചരിത്രമെഴുതി സ്പൈഡർമാൻ ബ്രാൻഡ് ന്യൂ ഡേ.1 ബില്യൺ ഡോളർ കളക്ഷൻ നേടുന്ന എക്കാലത്തെയും രണ്ടാമത്തെ വേഗമേറിയ ചിത്രമായി ഇത് മാറി. ഒന്നാം സ്ഥാനത്ത് അവഞ്ചേഴ്സ് എൻഡ് ഗെയിമാണ്.
ഇന്ത്യയിലും സ്പൈഡർമാൻ വമ്പൻ കുതിപ്പ് തുടരുകയാണ്. 6 ദിവസങ്ങൾക്കുള്ളിൽ 303.25 കോടി നെറ്റ് കളക്ഷൻ സ്വന്തമാക്കിയ ചിത്രം, ഏകദേശം 362.61 കോടി ഗ്രോസ് നേടി. 1,00,000-ത്തിലധികം ഷോകളിലൂടെയാണ് ഈ നേട്ടം സ്വന്തമാക്കിയത്. വരും ദിവസങ്ങളിൽ ചിത്രം ഇന്ത്യയിൽ നിന്ന് മാത്രം 400 കോടിക്ക് മേൽ കളക്ട് ചെയ്യുമെന്നാണ് ട്രേഡ് ട്രാക്കർമാരുടെ വിലയിരുത്തൽ.

2026 ജൂലൈ 31-ന് തിയേറ്ററുകളിലെത്തിയ മാർവെൽ സൂപ്പർഹീറോ ചിത്രമാണ് ‘സ്പൈഡർമാൻ: ബ്രാൻഡ് ന്യൂ ഡേ’.ഡെസ്റ്റിൻ ഡാനിയൽ ക്രെട്ടൺ സംവിധാനം ചെയ്ത ഈ ചിത്രത്തിൽ ടോം ഹോളണ്ടാണ് പീറ്റർ പാർക്കറായി വേഷമിട്ടിരിക്കുന്നത്. സെൻഡായ, സാഡി സിങ്ക്, മാർക്ക് റുഫല്ലോ എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നു.
‘സ്പൈഡർമാൻ: നോ വേ ഹോം’ എന്ന ചിത്രത്തിലെ സംഭവങ്ങൾക്ക് ശേഷമുള്ള കഥയാണ് ചിത്രം പറയുന്നത്.ഡോക്ടർ സ്ട്രേഞ്ചിൻ്റെ മന്ത്രവാദത്തെ തുടർന്ന് ലോകം മുഴുവൻ പീറ്റർ പാർക്കറെപ്പറ്റിയുള്ള ഓർമ്മകൾ മറന്നുപോയിരുന്നു.ആരും തിരിച്ചറിയാത്ത ഒരാളായി തനിയെ ജീവിക്കുന്ന പീറ്റർ പാർക്കറുടെ അതിജീവനവും പുതിയ വെല്ലുവിളികളുമാണ് ചിത്രത്തിന്‍റെ പ്രമേയം.
സക്‌നിൽക് റിപ്പോർട്ട് പ്രകാരം, ചിത്രത്തിന്‍റെ ഓപ്പണിങ് വീക്കെൻഡ് അഡ്വാൻസ് ബുക്കിങ് 85 കോടി രൂപയിലധികം ഗ്രോസ് നേടിയിട്ടുണ്ട്.റിലീസിന് മുമ്പ് തന്നെ ‘അവഞ്ചേഴ്‌സ്: എൻഡ് ഗെയിം’ തീർത്ത 90 കോടിയുടെ ഓപ്പണിങ് വീക്കെൻഡ് അഡ്വാൻസ് ബുക്കിങ് റെക്കോർഡ് ഈ ചിത്രം മറികടന്നു.
ചിത്രത്തിന്‍റെ വിതരണക്കാരായ സോണി പിക്ചേഴ്സ് ആണ് ഇന്ത്യയില്‍ ചിത്രം ആദ്യ ദിനം നേടിയ കളക്ഷന്‍ പുറത്തുവിട്ടു. 73 കോടിയാണ് സ്പൈഡര്‍മാന്‍: ബ്രാന്‍ഡ് ന്യൂ ഡേ ഇന്ത്യയില്‍ നിന്ന് നേടിയ ഓപണിംഗ് ഗ്രോസ്. ഇത് ഒരു റെക്കോര്‍ഡ് ആണ്. ഒരു ഹോളിവുഡ് ചിത്രം ഇന്ത്യയില്‍ നേടുന്ന എക്കാലത്തെയും വലിയ ഓപണിംഗ് കളക്ഷനാണ് ഇത്. ഇംഗ്ലീഷിന് പുറമെ ഹിന്ദി, തമിഴ്, തെലുങ്ക്, മലയാളം, കന്നഡ ഭാഷകളിലും ചിത്രം ഇന്ത്യയില്‍ പ്രദര്‍ശിപ്പിക്കുന്നുണ്ട്.

കൊളംബിയ പിക്ചേഴ്സും മാര്‍വെല്‍ സ്റ്റുഡിയോസും പാസ്കല്‍ പിക്ചേഴ്സും ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. ഷാങ് ചി ആന്‍ഡ് ദി ലെജന്‍ഡ് ഓഫ് ദി ടെന്‍ റിംഗ്സ് അടക്കമുള്ള ചിത്രങ്ങള്‍ ഒരുക്കിയ ഡെസ്റ്റിന്‍ ഡാനിയല്‍ ക്രെറ്റണ്‍ ആണ് ചിത്രം സംവിധാനം ചെയ്തിരിക്കുന്നത്. ക്രിസ് മക്കെന്നയും എറിക് സോമേഴ്സും ചേര്‍ന്നാണ് രചന നിര്‍വ്വഹിച്ചിരിക്കുന്നത്. സ്പൈഡര്‍മാനായി ടോം ഹോളണ്ട് എത്തുന്ന ചിത്രത്തില്‍ സെന്‍‍ഡയ, സാഡി സിങ്ക്, ജേക്കബ് ബറ്റാലണ്‍, ജോണ്‍ ബേണ്‍താല്‍, ഫ്ലോറന്‍സ് പ്യൂ, ട്രമെല്‍ ടില്‍മാന്‍, മരീസ ടൊമെയ്, മാര്‍ക് റുഫാലോ തുടങ്ങിയവര്‍ മറ്റ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നു.
ഇന്ത്യയിലെ പ്രമുഖ ടിക്കറ്റ് ബുക്കിംഗ് പ്ലാറ്റ്ഫോം ആയ ബുക്ക് മൈ ഷോയില്‍ നിലവില്‍ മണിക്കൂറില്‍ 46,000 ന് മുകളില്‍ ടിക്കറ്റുകളാണ് ചിത്രം വിറ്റുകൊണ്ടിരിക്കുന്നത്.