അഞ്ച് എഞ്ചിനീയറിങ് കോളെജുകളിലാണ് തൊഴിൽമേള

തിരുവനന്തപുരം: ജില്ലയിലെ തൊഴിലന്വഷകർക്ക് അഞ്ചു കേന്ദ്രങ്ങളിൽ കുടുംബശ്രീ മിഷനും കെ-ഡിസ്ക്കും (കേരള ഡെവലപ്‌മെൻ്റ് ആൻഡ് ഇന്നൊവേഷൻ സ്ട്രാറ്റജിക് കൗൺസിൽ) സംയുക്തമായി പ്രതിവാര വെർച്വൽ തൊഴിൽമേളകൾ സംഘടിപ്പിക്കുന്നു. എല്ലാ ശനിയാഴ്ചകളിലും നടക്കുന്ന വെർച്വൽ തൊഴിൽമേളകളിലൂടെ അഭ്യസ്തവിദ്യരായ മുഴുവൻ ഉദ്യോഗാർത്ഥികൾക്കും അവരുടെ അഭിരുചിക്കും യോഗ്യതയ്ക്കും അനുയോജ്യമായ തൊഴിൽ അവസരങ്ങൾ ലഭ്യമാകുകയാണ് കെ – ഡിസ്കിന്റെ ലക്ഷ്യം.

18 വയസ്സ് പൂർത്തിയായ തൊഴിൽരഹിതരായ യുവജനങ്ങൾക്കാണ് അവസരം. ഓരോ ആഴ്ചയിലും ഉള്ള തൊഴിലാവസരങ്ങളുടെ വിവരങ്ങൾ www.knowledgemission.kerala.gov.in എന്ന വെബ്സൈറ്റിൽ ലഭ്യമാണ്. സ്വദേശത്തും വിദേശത്തുമുള്ള നിരവധി തൊഴിൽദായകർ പങ്കെടുക്കുന്ന കെ -ഡിസ്കിൻ്റെ വെർച്വൽ തൊഴൽമേളകൾ കേരളത്തിലെ യുവജനങ്ങൾക്ക് ഏറെ സഹായകരമാകും. പൂജപ്പുര എൽബിഎസ് ടെക്നോളജി ഫോർ വുമൺ, ശ്രീകാര്യം കോളേജ് ഓഫ് എഞ്ചിനീയറിംഗ്, കാര്യവട്ടം യൂണിവേഴ്സിറ്റി കോളേജ് ഓഫ് എഞ്ചിനീയറിംഗ്, പാപ്പനംകോട് ശ്രീചിത്ര കോളേജ് ഓഫ് എഞ്ചിനീറിംഗ്, ആറ്റിങ്ങൽ ഐഎച്ച്ആർഡി കോളേജ് ഓഫ് എഞ്ചിനീയറിംഗ് എന്നിവയാണ് തൊഴിൽ മേളകൾ നടക്കുന്ന അഞ്ചു കേന്ദ്രങ്ങൾ.