ലണ്ടൻ ബസിന്‍റെ മാതൃകയിലുള്ള കുട്ടി ബസിൽ ഒരേസമയം 15 പേർക്ക് യാത്ര ചെയ്യാം

കൊച്ചി:ഷോപ്പിങ്ങിനൊപ്പം വിനോദവും ആഘോഷിക്കാനായി കൊച്ചി ലുലുമാളിലേക്ക് എത്തുന്ന കുരുന്നുകൾക്കായി മാൾ മുഴുവൻ ചുറ്റിക്കാണാൻ ‘ലണ്ടൻ ബസ്’ എത്തി. ലുലു ഫൺടൂറയുടെ നേതൃത്വത്തിൽ മാളിന്റെ ഗ്രൗണ്ട് ഫ്ലോറിലാണ് കുട്ടികൾക്കായി ഈ പ്രത്യേക ബസ് സർവീസ് ഒരുക്കിയിരിക്കുന്നത്.മാളിലെത്തുന്ന കുട്ടികൾക്ക് ഗ്രൗണ്ട് ഫ്ലോറിനൊപ്പം മാളിന്റെ കാഴ്ചകൾ മുഴുവൻ ഒരു വൺ റൗണ്ട് ട്രിപ്പായി ആസ്വദിക്കാനുള്ള അവസരമാണ് ഈ പുതിയ സംരംഭത്തിലൂടെ ലുലു ഫൺടൂറ നൽകുന്നത്.

ലുലു ഫൺട്യൂറയുടെ നേതൃത്വത്തിൽ തുടക്കമിട്ട ‌ലണ്ടൻ ബസിന്റെ ഫ്ളാഗ് ഓഫ് നടി വിൻസി അലോഷ്യസ് നിർവഹിച്ചപ്പോൾ. ലുലു ഫൺട്യൂറ ജനറൽ മാനേജർ അംബികാപതി, ലുലു മീഡിയ ഹെഡ് എൻ.ബി സ്വരാജ് , ലുലുമാൾ ജനറൽ മാനജർ വിഷ്ണു ആർ നാഥ്, ഹൈപ്പർമാർക്കറ്റ് ജനറൽ മാനേജർ ജോ പൈനേടത്ത്, ഓപ്പറേഷൻസ് മാനേജർ ഒ. സുകുമാരൻ എന്നിവർ സമീപം.

ഡബിൾ ഡക്കർ മോഡലിൽ കുട്ടികളെ ആകർഷിക്കുന്ന രീതിയിൽ രൂപകൽപ്പന ചെയ്തിരിക്കുന്ന ഈ ലണ്ടൻ ബസിന്‍റെ മാതൃകയിലുള്ള കുട്ടി ബസിൽ ഒരേസമയം 15 പേർക്ക് യാത്ര ചെയ്യാം.ചലച്ചിത്ര നടി വിൻസി അലോഷ്യസ് കുട്ടി ബസിന്റെ ഫ്ലാഗ് ഓഫ് നിർവ്വഹിച്ചു. തുടർന്ന് കുരുന്നുകളുമായി ബസ് മാളിലൂടെ കന്നിയാത്ര നടത്തി. ലുലു ഫൺടൂറ ജനറൽ മാനേജർ അംബികാപതി, ലുലു മീഡിയ ഹെഡ് എൻ.ബി സ്വരാജ്, ലുലുമാൾ ജനറൽ മാനേജർ വിഷ്ണു ആർ നാഥ്, ഹൈപ്പർമാർക്കറ്റ് ജനറൽ മാനേജർ ജോ പൈനേടത്ത്, ഫൺടൂറ മാനേജർ സിയാദ്, ഓപ്പറേഷൻസ് മാനേജർ ഒ. സുകുമാരൻ തുടങ്ങിയവർ ചടങ്ങിൽ പങ്കെടുത്തു.